Nangako ang pamahalaan ng Lungsod ng Maynila noong Sabado na pananagutin ang kumpanya na naunang inatasang mangolekta ng basura sa lungsod dahil sa hindi pagtupad sa kanilang mga tungkulin noong panahon ng Kapaskuhan.
Pinuna ni Mayor Honey Lacuna ang Leonel Waste Management Corp. dahil sa pagpapabaya sa kanilang mga obligasyon sa gitna ng 400% na pagtaas ng basura mula sa pagdiriwang ng Pasko at Bagong Taon.
“Rest assured, I will not let this sabotage pass and those responsible will be held accountable,” aniya sa isang pahayag.
Ayon kay Lacuna, nagsimula nang mag-operate ang dalawang kumpanya, ang MetroWaste at PhilEco Systems Corp., ng walang tigil upang linisin ang mga kalsada ng Maynila mula sa mga basurang naipon.
“We will address the negligence of the previous garbage collector. Now, we have two contractors, MetroWaste and PhilEco, ensuring that the city is cleaned efficiently,” dagdag pa niya.
Hinimok din ng alkalde ang mga residente na i-report ang mga basurang hindi nakolekta sa Department of Public Services at Task Force Against Road Obstruction ng lungsod.
